Baixo este lema, a Sociedade Galega do Medio Ambiente lanza unha campaña de concienciación e sensibilización social centrada na necesidade de reducir a produción de residuos en orixe, recordando a importancia da estratexia dos tres erres (Redución, Reutilización e Reciclaxe). Os destinatarios desta iniciativa son os 121.457 alumnos/as de primaria que cursan os seus estudos nos 901 centros educativos de Galicia.

A fin de motivar a participación dos escolares, ínstaselles a que cumprimenten o cupón adxunto no díptico e remitan a Sogama, por correo postal ou correo electrónico, e antes do 12 de marzo do 2010, as súas propostas para a minimización da produción de lixo en orixe. Os autores das mellores ideas recibirán un premio.

2009 - Ti es a peza que falta. Usar e Tirar Reutilizar

2008 - Ti es a peza que falta. ¡Ponte en marcha!

2007 - Ti es a peza que falta. O futuro está nas nosas mans.

Con motivo da publicación da Orde do 27 de abril de 2006, pola que se establecen normas para a concesión de axudas para a realización de actividades de educación para a sustentabilidade, a Sociedade Galega do Medio Ambiente (SOGAMA) lanza unha Campaña de educación, concienciación e divulgación ambiental titulada “Ti es a peza que falta. O futuro está nas nosas mans”, obtendo financiamento da Consellería de Medio Ambiente e Desenvolvemento Sostible por importe de 5.000 €.

Díptico da campaña